ကရင်နီသမိုင်းကြောင်းအရ လွန်ခဲ့တဲ့ BC ၇၃၉ နောက်ပိုင်းလောက်မှာ ကရင်နီအမျိုးသားတို့အား နှစ်တစ်ရာတိုင် ကျွန်အဖြစ် ဖိနှိပ်အုပ်ချုပ်ခဲ့တဲ့ ယွန်းတွေကို အမျိုးသားစုစည်းညီညွတ်မှုနဲ့ တွန်းလှန်တိုက်ထုတ်နိုင်ခဲ့ကြပါတယ်။ ယွန်းလူမျိုးတို့ရဲ့ အုပ်ချုပ်ကွပ်ကဲမှုအောက်ကနေ လွတ်မြောက်ပြီးတဲ့နောက်မှာ ကရင်နီပြည်ကို စောဖျာများ(မင်းမျိုးများ)နဲ့ ပြန်လည်အုပ်ချုပ်ခဲ့ကြတာပါ။
အဲဒီအချိန်ကတည်းက ကရင်နီဆိုတဲ့ အခေါ်အဝေါ်အသုံးအနှုန်းဟာ ရှိနေခဲ့သလို ကရင်နီပြည်ဟာ လွတ်လပ်တဲ့ပြည်တစ်ပြည်ဖြစ်ကြောင်း ၁၈၇၅ ခုနှစ် ဇွန်လ ၂၁ ရက်နေ့မှာ ဗြိတိသျှကိုယ်စားလှယ် ဆာ ဒေါက္ကလပ်(စ်)ဖေါ်ဆသ် (The Honorable Sir Douglas Forsyth C.B, K.C.S.I, Envoy - အိန္ဒိယဘုရင်ခံချုပ်ရဲ့ ကိုယ်စားလှယ် သံတမန် အဖြစ်ဖြင့်၎င်း) မြန်မာဘုရင် ကင်းဝန်မင်းကြီးက မြန်မာပြည်ကိုယ်စားပြုပြီး နှစ်ဦးနှစ်ဘက် သဘောတူလက်မှတ်ရေးထိုးခဲ့ကြတဲ့ အချိန်မှာလည်း ကရင်နီဆိုတဲ့အသုံးအနှုန်းကိုဘဲ သုံးလာခဲ့ကြပါတယ်။
၁၉၄၇ ခုနှစ် ဒီဇင်ဘာ ၂၇ ရက်နေ့ မြန်မာပြည် လွှတ်လပ်ရေးမရခင် ၈ ရက်နေ့အလွန်မှာ ကရင်နီစောဖျာတို့ရဲ့ ဆန္ဒမပါပဲ စောဝဏနဲ့ ဦးစိန်တို့ နှစ်ယောက်သား သဘောထားနဲ့ ကရင်နီပြည်ကို မြန်မာပြည်ရဲ့ တစ်စိတ်တစ်ဒေသအဖြစ်ပါဝင်ရန် ဖဆပလအစိုးရထံ သွားရောက်တောင်းဆိုခဲ့တဲ့ နောက်မှာဘဲ ၁၉၄၇ ခုနှစ် ဖွဲ့စည်းပုံအခြေခံဥပဒေမှာ ပြည်နယ်တစ်ခု ဖြစ်သွားခဲ့ရပါတယ်။
တဖန် ကရင်နီပြည်ဆိုတဲ့ အသုံးအနှုန်းကို ပယ်ဖျက်ပြီး ကယားပြည်အဖြစ် ပြောင်းလဲခေါ်ဆိုဖို့ ကရင်နီ ပြည်နယ် ကိုယ်စားလှယ် ဦးစိန်ကဘဲ ၁၉၅၀ ခုနှစ် ဖေဖော်ဝါရီလမှာ ကျင်းပတဲ့ လွှတ်တော်အစည်းအဝေးမှာ အဆိုပြုချက်တင်သွင်းခဲ့တဲ့အတွက် ကရင်နီကနေ ကယားအဖြစ်သို့ ရောက်ရှိသွားရပြန်ပါတယ်။ အဲဒီနေ့ကစပြီး ကရင်နီဆိုတဲ့အသုံးအနှုန်းကို မြန်မာစစ်အစိုးရအဆက်ဆက်က သုံးခွင့်မပေးတော့ဘဲ ပိတ်ပင်ထားခဲ့ပါတယ်။
ကရင်နီပြည်ကို ကယားပြည်လို့ ဖဆပလအစိုးရက သတ်မှတ်လိုက်တဲ့နောက်မှာ ပြည်နယ်အတွင်းမှာရှိကြတဲ့ ကယားလူမျိုးတစ်မျိုးကိုသာ ကိုယ်စားပြုသလိုဖြစ်နေပါတယ်။ ဒီအခြေအနေထက် ခါးသီးစရာဖြစ်နေခဲ့တဲ့ အခြေအနေတစ်ခုက ကရင်နီလို့ပြောလိုက်တိုင်း သူပုန်ဟု ထင်မှတ် သတ်မှတ်ထားကြတဲ့အတွက် ပြည်တွင်းကလူထုအများအစုဟာ ကရင်နီဆိုတဲ့အသုံးအနှုန်းကို မပြောရဲမဆိုရဲ မဟရဲတော့တဲ့ အခြေအနေမှာ ရှိနေကြပါတယ်။
ကရင်နီဆိုတဲ့ နာမည်နာမနဲ့ အသုံးအနှုန်းကို တော်လှန်ရေးနယ်မြေမှာရှိကြတဲ့ ကရင်နီတွေသာ အသိအမှတ်ပြု ခေါ်ဝေါ်သုံးစွဲနေကြပါတယ်။ အခုနောက်ပိုင်းမှာတော့ တော်လှန်ရေးနယ်မြေဘက်က ကရင်နီအမျိုးသားတွေဟာ ဒုက္ခသည်အဖြစ် အခြေချနေထိုင်ရေး အစီအစဉ်နဲ့ နိုင်ငံရပ်ခြားတို့မှာ တရွေ့ရွေ့အခြေချနေထိုင်ကြပြီဖြစ်တဲ့အတွက် ကရင်နီဆိုတဲ့ အခေါ်အဝေါ်ဟာလည်း ကျယ်ပြန့်လာပါတယ်။
ဒါပေမယ့် ကရင်နီဆိုတာကို ကျနော်/မတို့ ကရင်နီအမျိုးသားတွေကိုယ်၌က ကယားဆိုတဲ့ လူမျိုးတစ်မျိုးကိုသာ ကိုယ်စားပြုထားတာမဟုတ်ဘဲ ကရင်နီပြည်မှာရှိတဲ့ ကယား၊ ကယန်း၊ ကယော၊ ပကူး၊ မနု၊ မနှော၊ ယင်းဘော်၊ ယင်းသလဲ စတဲ့မျိုးနွယ်စုတွေအားလုံးဟာ ကရင်နီအမျိုးသားတွေ ဖြစ်ကြတယ်ဆိုတာကို နားလည်လက်ခံသင့်တယ်လို့ တိုက်တွန်းလိုပါတယ်။
အဲဒီအချိန်ကတည်းက ကရင်နီဆိုတဲ့ အခေါ်အဝေါ်အသုံးအနှုန်းဟာ ရှိနေခဲ့သလို ကရင်နီပြည်ဟာ လွတ်လပ်တဲ့ပြည်တစ်ပြည်ဖြစ်ကြောင်း ၁၈၇၅ ခုနှစ် ဇွန်လ ၂၁ ရက်နေ့မှာ ဗြိတိသျှကိုယ်စားလှယ် ဆာ ဒေါက္ကလပ်(စ်)ဖေါ်ဆသ် (The Honorable Sir Douglas Forsyth C.B, K.C.S.I, Envoy - အိန္ဒိယဘုရင်ခံချုပ်ရဲ့ ကိုယ်စားလှယ် သံတမန် အဖြစ်ဖြင့်၎င်း) မြန်မာဘုရင် ကင်းဝန်မင်းကြီးက မြန်မာပြည်ကိုယ်စားပြုပြီး နှစ်ဦးနှစ်ဘက် သဘောတူလက်မှတ်ရေးထိုးခဲ့ကြတဲ့ အချိန်မှာလည်း ကရင်နီဆိုတဲ့အသုံးအနှုန်းကိုဘဲ သုံးလာခဲ့ကြပါတယ်။
၁၉၄၇ ခုနှစ် ဒီဇင်ဘာ ၂၇ ရက်နေ့ မြန်မာပြည် လွှတ်လပ်ရေးမရခင် ၈ ရက်နေ့အလွန်မှာ ကရင်နီစောဖျာတို့ရဲ့ ဆန္ဒမပါပဲ စောဝဏနဲ့ ဦးစိန်တို့ နှစ်ယောက်သား သဘောထားနဲ့ ကရင်နီပြည်ကို မြန်မာပြည်ရဲ့ တစ်စိတ်တစ်ဒေသအဖြစ်ပါဝင်ရန် ဖဆပလအစိုးရထံ သွားရောက်တောင်းဆိုခဲ့တဲ့ နောက်မှာဘဲ ၁၉၄၇ ခုနှစ် ဖွဲ့စည်းပုံအခြေခံဥပဒေမှာ ပြည်နယ်တစ်ခု ဖြစ်သွားခဲ့ရပါတယ်။
တဖန် ကရင်နီပြည်ဆိုတဲ့ အသုံးအနှုန်းကို ပယ်ဖျက်ပြီး ကယားပြည်အဖြစ် ပြောင်းလဲခေါ်ဆိုဖို့ ကရင်နီ ပြည်နယ် ကိုယ်စားလှယ် ဦးစိန်ကဘဲ ၁၉၅၀ ခုနှစ် ဖေဖော်ဝါရီလမှာ ကျင်းပတဲ့ လွှတ်တော်အစည်းအဝေးမှာ အဆိုပြုချက်တင်သွင်းခဲ့တဲ့အတွက် ကရင်နီကနေ ကယားအဖြစ်သို့ ရောက်ရှိသွားရပြန်ပါတယ်။ အဲဒီနေ့ကစပြီး ကရင်နီဆိုတဲ့အသုံးအနှုန်းကို မြန်မာစစ်အစိုးရအဆက်ဆက်က သုံးခွင့်မပေးတော့ဘဲ ပိတ်ပင်ထားခဲ့ပါတယ်။
ကရင်နီပြည်ကို ကယားပြည်လို့ ဖဆပလအစိုးရက သတ်မှတ်လိုက်တဲ့နောက်မှာ ပြည်နယ်အတွင်းမှာရှိကြတဲ့ ကယားလူမျိုးတစ်မျိုးကိုသာ ကိုယ်စားပြုသလိုဖြစ်နေပါတယ်။ ဒီအခြေအနေထက် ခါးသီးစရာဖြစ်နေခဲ့တဲ့ အခြေအနေတစ်ခုက ကရင်နီလို့ပြောလိုက်တိုင်း သူပုန်ဟု ထင်မှတ် သတ်မှတ်ထားကြတဲ့အတွက် ပြည်တွင်းကလူထုအများအစုဟာ ကရင်နီဆိုတဲ့အသုံးအနှုန်းကို မပြောရဲမဆိုရဲ မဟရဲတော့တဲ့ အခြေအနေမှာ ရှိနေကြပါတယ်။
ကရင်နီဆိုတဲ့ နာမည်နာမနဲ့ အသုံးအနှုန်းကို တော်လှန်ရေးနယ်မြေမှာရှိကြတဲ့ ကရင်နီတွေသာ အသိအမှတ်ပြု ခေါ်ဝေါ်သုံးစွဲနေကြပါတယ်။ အခုနောက်ပိုင်းမှာတော့ တော်လှန်ရေးနယ်မြေဘက်က ကရင်နီအမျိုးသားတွေဟာ ဒုက္ခသည်အဖြစ် အခြေချနေထိုင်ရေး အစီအစဉ်နဲ့ နိုင်ငံရပ်ခြားတို့မှာ တရွေ့ရွေ့အခြေချနေထိုင်ကြပြီဖြစ်တဲ့အတွက် ကရင်နီဆိုတဲ့ အခေါ်အဝေါ်ဟာလည်း ကျယ်ပြန့်လာပါတယ်။
ဒါပေမယ့် ကရင်နီဆိုတာကို ကျနော်/မတို့ ကရင်နီအမျိုးသားတွေကိုယ်၌က ကယားဆိုတဲ့ လူမျိုးတစ်မျိုးကိုသာ ကိုယ်စားပြုထားတာမဟုတ်ဘဲ ကရင်နီပြည်မှာရှိတဲ့ ကယား၊ ကယန်း၊ ကယော၊ ပကူး၊ မနု၊ မနှော၊ ယင်းဘော်၊ ယင်းသလဲ စတဲ့မျိုးနွယ်စုတွေအားလုံးဟာ ကရင်နီအမျိုးသားတွေ ဖြစ်ကြတယ်ဆိုတာကို နားလည်လက်ခံသင့်တယ်လို့ တိုက်တွန်းလိုပါတယ်။
No comments:
Post a Comment